"ياليلة العيد أنيستينا وجددتي الأمل فينا ياليلة العيد"
: كل سنة وأنتِ طيبة ياتسنيم
تسنيم: وأنتِ طيبة ياتيتة ياقمر أنتِ
تيته: يلا ياحبيبتي علشان أمك لو جيت ولقيتك لسه مخلصتيش هتفتح دماغك
تسنيم بحزن مصطنع: عارفة ياتيتة
"ثم أكملت تنظيفها"
: بت يانيم
تسنيم: ياإسلام قولتلك مبحبش الإسم ده
إسلام: ماشي يانيم مش هقولهولك تاني كدة كويس يانيم
تسنيم: ده أنت غلس
وفجأة: يختااااااي يلهواااااي يخربيتك ايه اللي أنت هببته ده
إسلام بخضه: فيه إيه يخربيتك أنتِ كمان
تسنيم وهي تحدفه بالخف المنزلي: ياحيوان بوظت الصاله بعد ماخلصتها أخرج بره داخل بالجزمة اخرووووووووووووووج
: طيب طيب يخربيت صوتك
: اه ياني اتهد حيلي خالص
: قومي يابت اتهد حيلك ايه ده أنتِ معملتيش غير أوضتك قومي إفرشي الركنة
تسنيم: ياخوخه حرام عليكي سيبسني شوية
خلود: يلا يابت عاوزين نلحق نعمل الكحك والبسكوت
قامت تسنيم عل مضض: يماما هو لازم كحك وبسكوت يماما منشتريه جاهز بقي يوه
خلود: يلا يا اخرت صبري اخلصي
: متشتريه جاهز ياما أنتِ لازم تزهقينا كدة دة بكرة العيد ياعالم بكرة العيد
خلود: قومي يابت اخلصي علشان أبو وردة ميزعلكيش
تسنيم بخوف: طيب طيب ماشي
____________
"ترن ترن ترن ترن"
افتح الباب يا إسلام
: حاضر ياخوخه
إسلام بضحك: أهلًا وسهلًا نورتوا اتفضلوا ده أنتوا انستوا
: مطرحكوا ده وكمان بيتكوا يزيد مِن الأحباب ملايين
تسنيم بضحك: منين متيجي تلاقي جراح علي جنب تلاقي انشراح
خلود بضحك: تعالوا يابنات حماتكم بتحبك
تسنيم بلؤم: لأ يما أنتِ بتحبي واحدة بس
إسلام: بس يابرده أنا نازل يماما
تسنيم: عينك يامثكره احنا عاوزين الواد
داليا: يخربيت برودك عيلة باردة
خلود: تعالي ياداليا اقعدي تعالي يا بت يايارا
يارا: إزيك ياخوخ
خلود: الحمدلله يافله
اقعدوا بقي اعملوا اكحك
يارا: حرام عليكي ياخوخه انا لسه مخلصه مع امي وقولت اجي اهرب منها عندكم
تسنيم بضحك: لأ ياختي اقعدي
"ثم جلسوا جميعا في جو من المحبه والألفه جو العيد الحقيقي"
____________
"مساء يوم الوقفه"
تسنيم: يلا يابنتي علشان نعمل الماسكات
يارا: يلا
داليا: احم اخوكي راح فين
تسنيم بلامبالاه: راح ينام عند اسماعيل أبن خالتي علشان انتوا نايمين هنا مينفعش ينام
داليا بحالميه: ايييح والله ده جنتل مان خالص
تسنيم بتشنج: اخويا أنا جنتل مان الله
يارا: سيبك منها دي واقعة خالص خالص
تسنيم: بقولكوا ايه متيجي نطلع علي السطوح
داليا: بتهزري انتي عارفة الساعه كام
تسنيم: وايه يعني الساعه ١ كده كده محدش يينام يوم الوقفه
يارا بفرحة طفله: هييي يلا بينا
"علي السطوح"
"جلوسوا الثلاث فتيات يتناولون كعك العيد والبسكويت المفضل فلا أحد ينافس خلود في عمايلهم"
داليا: طنط خوخه دي عليها شوية كحك مش علي أمي شخصيا
يارا بضحك: والله عندك حق انا عاوزة خوخه تتبناني عندها
تسنيم: لا ياختي مش كفايه عليها اسلام ده طفس طفاسه
داليا: اتلمي بقي ها اتلمي علشان مزعلكيش
تسنيم: الليله عيد الليله الليله عيد
داليا بضحك: الليله عيد الليله الليله عيد
"ثم جلسوا الفتيات يتضاحكون ويغنون سويا حتي أذان الفجر"
"في صلاة العيد"
الله أكبر الله أكبر الله أكبر
لا إله إلا الله
الله أكبر كبيرا
والحمدلله كثيراً
وسبحان الله بكرة وأصيلا
لا إله إلا الله
وحده.. صدق وعده
ونصر عبده
وأعز جنده وهزم الأحزاب وحده
لا إله إلا الله
خلود: كل سنه وانتوا طيبين ياحبايبي
يارا: وأنتِ طيبة ياخوخة
داليا: وأنتَ طيبة يجميل
تسنيم: وأنتِ طيبه ياحوباي
خوخه بضحك: أيوه أيوه فهماكوا يلا خدوا العدية اهي يلا
"انقض عليها الثلاث فتيات وظلوا يقبلونها في وجهها"
داليا: تحيا أم إسلام
: تسنيييييم
تسنيم: تعالوا يافتيات نشوف إسلام
أيوه ياسمكه
إسلام: مفيش كنت هعطيكوا عديه بس خسارة فيكي علشان قولتي سمكه
تسنيم بصدمة: سمكه مين ده اللي قال سمكه ده أنتَ الباشمهندس سمكة على سن ورمح
إسلام بضحك: ماشي يا بكاشة
كل سنة وأنتِ طيبة يا نيم
كل سنه وأنتَ طيبة يا يارو
كل سنة وانتِ طيبه يا دود
تسنيم: وانتَ طيب ياحبيبي
يارا: وأنتَ طيب يا إسلام
داليا: لا رد
تسنيم: مبتتكلميش ليه ياست الحبيبة
إسلام: تسنيم اسكتي وامشي يلا
تسنيم: ماشي ياخويا متزقش طه
إسلام: عاوز اجيلكوا البيت
داليا بجهل: عاوز تجيلنا ليه
إسلام: ليا أمانه وعاوز أخدها
داليا: أمانة ايه يا برنس
إسلام: قلبي أنا سيبه عند أبوكي وجه الأوان اللي فيه اخده يا قلبي
داليا بخجل شديد: مش فاهمة
: عاوز اتقدملك
"لم ترد عليه داليا وذهبت مسرعة مِن أمامه"
إسلام بصوت عالي: النهارده بعد المغرب اعملي حسابك في شربات
داليا بخفوت: بحبك ياسمكه
تسنيم: يلا نتصور يابناويت
"ثم التقطوا العديد من الصور المبهجه"
داليا: استنوا هرد على الرساله
"إسلام: أحبكِ القلب وصاحبه وخالقه وجميع خلقه....بحبك ياست البنات"
انتهت
اسكريبت: يا ليلة العيد
للكاتبه: ناهد إبراهيم
الوسوم:
اسكريبتات