الكاتبة / "ميرفت صلاح صدقي"
"ما بعد الفراق"
أنا نفسي اللي بينا يصالح
ونرجع تاني زي زمان
نحكي لبعض حكايتنا
و نسأل يومنا عدي إزاي؟
كنا نزعل نفرح ، نبكي و نضحك
كنا نلعب نهزر و نرخم كمان
ياريته اليوم يرجع زي زمان
كنا نحكي بالساعات
و كلامنا لسه موجود في الشات
خلينا فاكرين أول تعارفنا
كنا حابين يومنا ازاي؟
أنا في حاجات كتيره فاكرها
ومش قادرة انساها خلاص
حاجات كانت ما بينا حلوة
قولي طيب انساها إزاي؟
عرفت إنك مش ليا
و فضلت ماسكة فيك و معاك
مش بس عشان حاجة
بس أنا محبتش أكون أسيه عليك.
و رغم كل اللي عملته
رجعت أنتَ اللي أسيت
لو حبينا نبدأ تاني
أنا هرجع بس مش زي زمان.
الوسوم:
شعر
قصيدة رائعة استمري يا مبدعة
ردحذف