ماما أنا خارجة مع صحابي
تمام ياحببتي متتأخريش
مشيت وكنت مستعجلة في خطواتي لأن أنا وصحابي متفقين إننا هنتقابل الساعة 4 بالظبط ودلوقتي الساعة 4:33 وصلت هناك قعدت معاهم فضلنا نهزر ونضحك
ههههه لا يبت ولا فاكرة لما لما كنا في أخر حصتين وكان علينا الأبلة بتاعت العربي اللي هي وصحبتك مبيسلكوش في كفة واحدة والجرس رن ياعيال تمام راحت رحمة معدية من ورا الأبلة ومسكة الطرحة بتاعتها تنف فيها دا كلوا والفصل كلو عمال يبصلها بصدمة والنصيبة إن الأبلة مش حاسة وقعدة تلم في حاجتها.
ههههه بطني مش قادرة بجد والله كانت أجمل سنة دراسية يولاه كمية ضحك وفسح ولا كمية الأكل اللي كنا بنكله في الفترة دي.
يلا أهي كلها كانت أيام يا رحاب.
معاكي حق ياجهاد والله الواحد لو يطول يرجع بالزمن كان عملها والله.
طيب يا شباب أنا هروح الحمام.
سبتهم روحت الحمام دخلت غسلت وشي لأني كنت حاسة إني مصدعة جامد ومكنش في حد في الحمام لقيت بنوته بصه للأرضية من وقت ما دخلت الحمام وشعرها مغطي وشها وكانت متكية على أيدها بضوافرها لدرجة إن أيدها جابت دم لفتت انتباهي وجالي فضول أعرف مالها قربت منها وحطيت أيدي علي كتفها وسألتها مالك.
أنتي كويسة؟ فيكي حاجة؟
مفيش رد جه منها فا عدت سؤالي تاني وبسرعة بصت ليا بصه من كتر ما هي مخيفة رجعت ورا واتخبطت في الحيطة جامد لدرجة إن كتفي نمل ساعتها
أنتي كويسة؟ أنا مكنتش أقصد.
قالتلي الكلام دا وهي بتقرب مني.
دققت في ملامحها كان وشها من الجنب اليمن فيه فاتحة كبيرة كأن حد فتحها لها بمطوة وجمبها اليمين بينزل منه دم بطريقه رهيبة.
انصدمت من منظرها.
أيه ده؟ جنبك بينزف إزاي ده حصل؟ ومين عمل فيكي كده؟ أنتي لازم تروحي على المستشفى حالاً وتبلغي البوليس كمان.
ردت عليا برد كلوا غموض.
مبقاش ينفع خلاص بس أنتي اللي هتجيبيلي حقي صح؟
أجيلك حقك إزاي مش فاهمة وأيه مبقاش ينفع لي أحنا لازم نروح المستشفى حالاً علشان يوقفوا النزيف ده.
ابتسمت ليا بسمة بسيطة ودخلت الحمام أنا وقتها قلت عليها مجنونة طلعت بره لقيت جرسون نديت عليه
لو سمحت في بنت جوا وحكيتلوا كل حاجه من الاول'''''''''وهي دلوقتي دخلت الحمام ممكن تخش تشوفها.
تمام يفندم.
فات عشر دقايق والجرسون مطلعش دخلتلوا لقيتوا في وشي.
حضرتك مفيش حد هنا أحنا دورنا ملقناش حد.
انصدمت إزاي ده حصل؟ دخلت أنا دورت فعلاً مفيش حد طب إزاي هو كان جوا وأنا واقفة هنا ومحدش طلع
أنت متأكد؟!
يافندم ممكن حضرتك منمتيش كويس ومرهقة فتخيلتي مش أكتر .
سكت فعلاً وقتها لأني مكنتش نمت كويس فكرت إن ده بسبب عدم نومي المتزن الفترة دي
طلعت للبنات بره وطول الوقت و أنا قعدة سرحانة لحد ما استأذنت منهم أروح ارتاح يمكن أبطل تفكير فى اللي حصل.
أنتي تاني!
أيوا أنا أنا أنا حبيتك خلاص وعايزاك ماما وقولت لبابا عليكي خالص هانت قريب جداً هانت.
أنا مش فاهمة حاجة! أنتي مين؟ وأيه اللي هانت ومامتك إزاي وأنت رجعت منين أنا مش فاهمة حاجة.
مش لازم تفهمي أنتي لوحدك هتعرفي كل حاجة وحدة وحدة الضبابة بقت كتير وهو بدأ يختفي نهائي.
استنى لا متمشيش استنى فهمني الأول استنى اااه.
قومت قعدت على السرير نفس الحلم بقالوا تلات أيام معايا مفيش جديد ومش عارفة أفهم حاجة لقيت تليفوني بيرن ماجد صاحبي ومشدودة ليه أوي لسه متعرفة عليه قريب.
الوو إزيك ياماجد
فل أنتي عاملة ايه ياجوجو
بخير الحمد الله متصل ليه في حاجه ولا أيه؟
لا أبداً أنا بس كنت طالع أنا وصحابي وقولت أقولك تيجي معانا
طالعين امتى؟
على 6 كده
أوك تمام
خلاص أشطا هعدي أنا أخدك
تمام هستناك قفلت من هنا لقيت ماما داخلة
جهاد الظرف ده وحدة صاحبتك جابته وأنتي نايمة قولتلها تخش بس رفضت
صحبتي مين ياماما؟
والله يابنتي معرفش حتى شكلها غريب أول مره أشوفها
طيب ياماما
ماما خرجت أنا مسكت الظرف مش عارفة فيه ايه مترددة أفتحه سمعت صوت جنب وداني عامل زي فحيح الأفعه بيقول كلام مش مفهوم بس مفهمتش غير كلمة افتحي
أيدي مبقتش ملكاها من كتر ما هي بتترعش ومن كتر الخوف فضلت التفت حواليا زي المجنونة بس مفيش!؟
ملقتش حد
فتحت الجواب وكان مكتوب فيه
(لقد بدأت لعنتك لامفر ولا منجى من عشقي هالكة متهالكة بين يدي)
قريت الجواب أنا مش فاهمة حاجة مين اللي باعته؟ وباعته ليه؟ وقاصده ايه؟ معرفش حاجه! فكرت حد من صحابي عامل مقلب زي كل مره طنشت كأني محستش بحاجة من شوية ولا قريت حاجة ااه نسيت مشوار ماجد اتصلت واعتذرتله أني تعبانة ومش هقدر أروح معاهم وبعدها
قمت قعدت قدام المرايا فضلت أبص لنفسي كتير وأحط مكياج وأتصور
يابنتي أنا مش قولتلك متقعديش قدام المرايا كده كتير
ياماما ايه يعني؟ فيها ايه؟
لا فيها كتير بعد كده معدتش عايزة أشوفك قدمها كده عالطول لا إلا قسمًا بالله أخلي أبوكي يغطيها خالص
خلاص ياماما أهدي
تمام يلا قومي الأكل سخن
قومت وأكلت وقعدت بعدها على السرير فتحت واتس شوية وكلمت صحابي وضحكنا وهزرنا وقفلت ونمت
مين هنا؟ أنت مين؟
شخص ضخم بيقرب مني ملامحه مش باينة لأن المكان كله ضلمة مفيش غير عينه ومن كتر ما هي سودا خالص ظاهرة وبتلمع في الضلمة وليه ناب اتصنمت مكاني معرفتش أتحرك نفس الولد نفس الولد واقف جمبه ملامحه بدأت تتغير وبقت شبهه ظهرت شوفتهم أيوة شوفتهم بوضوح هو فضل يقرب مني جامد مكنش في حاجة بتفصلنا عن بعض بصوت مرعب وتخين لدرجة أني حسيت إن شعري شاب وقتها جنب وداني بالظبط (هلكتي بين يداي فلقد أحبك طفلي وأنا عشقتك وأصبحت بكي متيم لن تجدي مني مفر)
عااا كان دا صوتي لما صحيت من النوم مخضوضة مش عارفة أخد نفسي من كتر الرعب اللي أنا فيه فضلت أبص في كل مكان في الأوضة مفيش حاجه هديت شوية وخدت نفسي طلعت روحت الحمام عشان أغسل وشي سبت الباب مفتوح يدوب بفتح المياه الباب اتقفل والنور طفى فضلت أعيط بصوت عالي وأنادي على ماما وبابا بس محدش سمعني إزاي ده أنا صوتي عالي جداً مرة وحدة اتصنمت مكاني لما حسيت بحد ورايا ونفسه في رقبتي رفعت راسي براحة بصيت فى المرايا.. لحظة شكل مرعب عيون سودا قرون كبيرة جسم ضخم ومشوه سنانه صفرة وطالعة بره شفايفه وفي لحظة جميع خلايا جسمي وقفت حسيت الدنيا بتدور بيا سبت نفسي السواد والدوامة اللي حسيت بيها..
أعمل حاجة يامحمد فوق بنتي
أهدي ياغادة وصلي على النبي كده أغمى عليها بس روحي هاتي اي ريحة من بتوعي اللي هناك دول... رشي على أيدي
الحمد الله يارب الحمد الله مالك ياحبيبتي مالك يبنتي في ايه؟
أول ما فتحت عيوني بصيت في كل مكان أنا إزاي ..أنا إزاي هنا؟ جيت هنا إزاي؟ أنا كنت في الح..مكملتش الجملة وافتكرت المنظر اللي شوفته فضلت أعيط جامد حضنت ماما وفضلت أعيط أنا جسمي بيترعش
حبيبتي يبنتي مالك ياضنايا في ايه؟
ماما أنا وبدأت أحكيلها من أول البنت لحد دلوقتي .......طب استهدي بالله يبنتي أكيد تخيلات أهدي بس
ماما أنا خايفة نامي معايا ونبي لالا متطفيش النور خليه قايد وفعلاً نامت معايا تاني يوم قومت روحت الكلية طول اليوم وأنا بفكر في اللي حصلي وأنا متأكدة إن دي مش تهيئات زي ما ماما قالت أنا متأكدة
خلصت وروحت قابلت صحبتي كنت هحكيلها بس فكرتها مش هتصدقني زي ماما وفضّلت السكوت وقتها وعدى اليوم روحت الساعة 3:23 فضلت أخبط شوية على الباب وبعد شوية ماما فتحت
أيه ياماما ده كله ياستي أيه مش عايزة تدخليني ولا أيه؟ ههههه
فضلت بصالي شوية وبعدها قالتلي لا يحبيبتي كنت بشوف الأكل اللي على النار
طيب ياماما أنا هخش أغير وأجيلك دخلت وغيرت وبعدها طلعت ساعدت ماما في الأكل وقعدنا قدام التلفزيون بس أنا كنت مرهقة ونمت بعد شوية الباب خبط فضلت أنادي على ماما تفتح محدش رد قومت فتحت وأنا بفرك في عيني
أيه ده أنتي طلعتي أمته ياماما؟
أيه ياحبيبتي بعتلك رسالة وأنتي في الكلية وعرفتك أني رايحة عند خالتك علشان أشوفها تعبانة
....صدمة أيه يعني أيه أحنا لسه واكلين أنا وأنتي وقعدنا اتفرجنا على التلفزيون أنتي بتهزري ياماما
لا يا بنتي والله تلاقيكي كنتي نايمة وبتحلمي قعدت على أول كرسي قابلني في أيه أنا .. معقول مستحيل أكون أتجننت أنا أنا متأكدة أني أنا مكنتش بحلم طلعت جري عارفة وفعلت لقيت رسالة من ماما الساعة 1:23 يعني كلامها صح
عدى شهر ونفس اللي بيحصل مستمر قعدت في الأوضة مبطلعش صوت صريخ كل يوم أهلي فكروا أني تعبانة كشفوا عليا عند دكاترة كتير نفس الكلام بيتقال لدرجة فكروا أني اتجننت
لحد ما وحدة من الجيران كلمت ماما
بقولك أيه يا غادة مفيش دكتور عارف بنتك فيها أيه وكل يوم ياعيني صوت البت بنسمعه وديها لشيخ ياحبيبتي متسكتيش على بنتك هو أكيد هيعرف فيها أيه وهيحلها
والله يا أم أحمد أنا كنت بفكر في كده قلبي واكلني عليها مش عارفة مالها دي مبقتش بتطلع من الأوضة
بصي يا غادة أنا عارفة شيخ كان بيجي لمرات عمي لما كانت تعبانة
طب قوليلي هو فين واسمه وعنوانه؟ .
تاني يوم كنت ماشية مع ماما رايحين عند الشيخ اللى جارتنا قالتلها عليه أول ما دخلت كلهم شاورلي أنا وماما نقعد قعدنا أنا وماما ومرة وحدة نطق اسم غريب (سقراط)
خدي يابنتي أشربي بس غمضي عينك مهما كان طعم اللى بتشربيه أفضلي مغمضي ومهما حصل أو سمعتي أوعى تفتحي عينك
عملت زي ما قالي وجيت أشرب أيه ده؟ طعم حاجة لزجة وتقيلة مش عارفه أيه ده ليها ريحة زي ما يكون دم زي ما يكون اللي أنا بشربه دم
فضل الشيخ يقول كلام غريب مش فهماه وبعدها نده على نفس الاسم ده (سقراط) استدعيتك سقراط فالبي النداء واحضر
الصوت بدأ بهوا شديد بعدها صوت همس بصيت
أنت عايز أيه منها ياسقراط؟
هو هو نفس الصوت جسمي اترعش من كتر ما الصوت مخيف
أريدها زوجةً لي وتكون أمًا لولدي لم أراها ولم أعرفها إلا من ولدي عندما رأها في المرأه أخبرته بأني سأرها ذهبت ذات ليلة ورأيتها في المرأه أغرمت بها أصبحت أتي دائمًا كي أراها حتى عشقتها وأصبحت متيمًا بها"
مينفعش اللي بيحصل ده انساها وأنت جن مينفعش ياسقراط وأنت عارف إن ده هيضرك تحت
لا لن يحدث لي شيء فأنا سقراط بن جعكير سلطان المماليك وقاهر الأسفل لا يستطيع أحد رفض أو الوقوف بوجهي أفهمت؟
أبعد عنها دي لسة صغيرة متأزيهاش سبيها في حالها
حسيت بالسخونية حواليا جسمي كله عرق وبترعش جامد وبعيد من غير صوت حسيت مرة وحدة بصوت من كتر ماهو عالي وباين في الغضب حسيت أني مبقتش هسمع تاني
لا لن أبتعد عنها أنها عشقي ومتيتمي وسقراط بن جعكير لا يترك ممتلكاته لغيره سيحدث هذا بموافقتها أو لا
فتحت عيني على صوت الشيخ اللى مهزوز مش عارف ياخد نفسه حد خانقه ورافعه في الهوا بس مين مفيش حد غيري وغيره وقع على الأرض قربت منه وأنا بترعش مفيش نفس ده ده مااات صحيت مفزوعة
يلا يا حبيبتي علشان نروح للشيخ اللي أم أحمد قالت عليه لبست ومشيت نفس الماشية نفس السواق نفس الشوارع ونفس المكان كل حاجة هي هي اللي في الحلم دخلت نفس الشيخ أول ما شفني اتنفض من مكانه ويهز راسه لا لالالا بره اطلعوا بره أنا أسف يابنتي مش هقدر عليه قال الكلام دا وهو بيزوقني طلعت برة أنا وماما ماشية تعيط وأنا جسم من غير روح مش عارفة أيه اللي بيحصلي الفترة دي حسيت أني هقع في دوامة ومش هخرج منها ولا حد هيعرف يخرجني
عدى تلات شهور
كل الشيوخ اللى روحنلهم نفس اللي الشيخ عمله
ليلة اكتمال القمر
جهاد اختفت في نفس ليلة اكتمال القمر اللي من أربع شهور بدأت معاها الحكاية في نفس اليوم من وقتها محدش عارف هي فين مر علي الحادثة دي خمس سنين مامتها اتجننت ودخلت مستشفي المجانين وباباها بعد الحادثة بسنة مات بسبب زعله وقهرته على بنته
الكل استسلم في أنوا يدور ورا الحادثة دي وفقدوا الأمل في رجوع جهاد أو ظهورها وبقت قصتها قصة مجهولة ومرعبة للكل.
تمت🖤.
لِ _"بننزل الريف"_
_"هانم سمير"_
فعلا عاش ليكي اووي جميل جداً ي قلبي
ردحذف